Usa ka panagtagbo ang gihimo kauban ang Senior Citizen’s Association sa Barangay Silae ug mga kawani sa City Veterinary Office sa pagpasiugda ni Dr. Omar T. Cahanap, ang Livestock Program Officer ingon man sa mga Barangay Veterinary Extension Workers sa Upper Pulangi Cluster niadtong Agosto 2, 2024 didto sa Barangay Silae Covered Court.

Gihisgutan sa maong panagtagbo ang mga potensyal nga mga programa nga mapahimuslan sa mga senior citizens aron mapalambo ang ilang kahinguhaan dili lamang pinaagi sa livestock kondili lakip na ang ubang opurtunidad pinaagi sa mga programa nga gikan sa nasyonal nga pangagamhanan.

Ang maong inisyatibo nagpakita sa aktibo nga pamaagi sa mga senior citizens diha sa ilang tinguha nga mapauswag ang ilang panginabuhian ug ilang pagsalig sa sa gobyerno pinaagi sa suporta nga gihatag basi sa mga programa niini ingon man, magamit nila ang available resources alang sa maayo pa nga economic opportunities ug mapakita ang ilang pagpakiglambigit ug dedikasyon nga mapalambo ang kalidad sa ilang kinabuhi.

Report: Dr. Omar T. Cahanap, City Vet-NADA