Aron ipakita ang paghiusa ug suporta alang sa mga apektado sa breast cancer, ang lokal nga kagamhanan sa Malaybalay, pinaagi sa City Health Office (CHO), miduyog sa nasudnong simultaneous “Pink Lighting Activity” niadtong Oktubre 11, sa City Hall ning dakbayan.

Ang CHO mipasabot nga ang maong kalihokan kabahin sa kampanya aron mapataas ang kasayuran sa publiko bahin sa breast cancer ug sa mga risgo niini.

Gipakita usab niini ang inisyatiba nga ma-edukar ang komunidad bahin sa kahinungdanon sa pagtagad sa maong sakit pinaagi sa pagpasiga sa City Hall gamit ang kolor pink.

Giawhag sa CHO pinaagi ni Dr. Ann Michele Go, head sa non-communicable disease sa CHO, ang katawhan nga ipaabot ang kamahinungdanon sa regular nga check-up ug ang sayo nga pag-diagnose sa breast cancer.

Gidayeg usab sa kalihokan ang mga breast cancer warriors nga padayon nakigbisog batok sa sakit.
Ang simultaneous pink lighting activity nahimong simbolo sa suporta alang sa mga apektado sa breast cancer.

With Report: Mhegan L. Dominguez, CHO-Nada