Ang buhatan sa Department of Social Welfare and Development (DSWD) nakig alayon sa syudad sa Malaybalay para sa pag apud-apud sa Social Pension para sa mga kabus nga Senior Citizens nga nag edad ug 65 anyos pataas.

Adunay 3,186 nga mga kabus, masakiton, ug mga walay suporta gikan sa ilang pamilya nga mga Senior Citizens ang kwalipikado nga modawat sa ilang ika duhang quarter nga Social Pension nga nag kantidad sa ₱1,500.00 niadtong Mayo 3-6, 2022.

Kini nga pagpang apud-apud gi himo sa upat ka clusters mao ang Poblacion Cluster, Basakan Cluster, Upper Pulangi Cluster ug Can-ayan Cluster.

Sumala pa sa DSWD nga ang mga Senior Citizens nga wala nakakuha sa ilang Social Pension sa gitakda nga schedule kada cluster, nakakuha sa ilang Pension niadtong Mayo 6, 2022 didto sa Barangay Casisang Covered Court.

Dugang pa nga ang tanan Senior Citizens nga wala naka kuha sa ilang Social Pension sa gihatag nga schedule sa Mayo 3-6, 2022, gitagaan pagusab ug panahon sa pag kuha niini niadtong Hunyo 1, 2022 didto sa Barangay Casisang Covered Court.

Sa kinatibuk-ang aktibidad, adunay 3,052 gikan sa 3,186 ang nakakuha sa ilang pension nga nagkantidad sa kina tibuk-an ug ₱ 4,578,000.

Report ni: NADA-CSWDO