Ang lokal nga pangagamhanan sa Malaybalay pina-agi sa City Social Welfare and Development Office – Youth Welfare Section mipahigayon ug skills demonstration kabahin sa paghimo ug detergent powder didto sa Tuboran Integrated School sa barangay Mapulo niadtong Agosto 23, 2022.

Mikabat sa 115 ka mga partisipante ang nakatambong sa maong kalihukan nga gilangkuban sa 15 ka myembro sa Pag-Asa Youth Association (PYA), 83 ka estudyante, 15 ka maestra ug 2 gikan sa CSWDO.

Ang pagpahigayon sa maong kalihukan nakahatag ug kahibalo ug kahanas sa mga kabatan-onan ingon man makatabang kanila sa ilang panginabuhian.

Ang maong kalihukan gipasiugdahan sa grupo sa Mapulo PYA ingon man sa Tuboran Integrated School isip kalihukan agig pagsalmot sa programa sa Brigada Eskwela.

Report: NADA – CSWDO