Giaprobahan na sa Sangguniang Panlungsod (SP) ang Resolutions No. 2023-0272, 2023-0273, 2023-0277, 2023-0278 mao ang Memorandum of Agreement tali sa City Government of Malaybalay (CGM) ug sa nagkalain-laing eskwelahan mahitungod sa immersion program/on the job training (OJT) sa mga estudyante para sa School Year 2022- 2023.

Ang atong City Mayor Jay Warren R. Pabillaran nag endorso ngadto sa SP uban sa paghangyo nga siya pagatugutan sa pagsulod sa usa ka MOA tali sa CGM ug sa Central  Mindanao University (CMU), University of Science and Technology of Southern Philippines-Claveria (USTP-CIaveria) mahitungod Immersion Program for School Year 2022-2023.

Hibaluan nga ang mga unibersidad nagmugna ug mga programa aron mapalambo ang kahibalo sa mga estudyante ug usa niini ang nasangpit nga immersion program.

Sa susamang higayon gi endorso usab sa buhatan sa mayor ngadto sa SP ang MOA sa Bukidnon National High School ug Silae National High School mahitungod usab sa Immersion Program/OJT alang sa mga studyante sa Senior High School .

Nasayran nga ang mga nasangpit nga skwelahan nakipagtambayayong sa lokal nga pangagamhanan sa pag implementar sa maong programa.

Ang tumong ug tinguha sa maong programa mao ang pagbansay-bansay, matudluan ug mapalambo ang abilidad sa mga studyante ug mahatagan usab sila sa kahigayonan nga maimplementar ang ilang kahibalo o natun-an sa skwelahan dinhi sa atong dakbayan.

Human sa masusing pagtuon ,atol sa ika 34th regular session niadtong March 14, 2023,  giduso sa Chairman sa Committee on Education Zoltan Dindo D. Dinlayan ug hiniusang giuyunan sa konseho nga pagatugutan ang halangdong Mayor Pabillaran sa pagsulod sa usa ka MOA tali sa CGM ug sa Bukidnon State University mahitungod sa nasangpit nga proyekto.

Tungod niini,  mahatagan ug kahigayonan ang mga tinun-an nga  mapalambo ang ilang kahibalo dinhi sa dakbayan .

SP-NADA