Ang lokal na pangagamhanan sa Malaybalay pinaagi sa City Human Resource Management Office (CHRMO) nagpahigayon ug “Seminar on Stress Management in the Workplace” niadtong Hunyo 24, 2022 sa Veranda, Casisang Malaybalay City.

Ang mamulong sa maong aktibidad mao sila si Apsary R. Diamla, RPsy, IAAPA , Psychologist III ug MIZPA Alpha G. Becaro, RPm, Test Specialist I, gikan sa Northern Mindanao Wellness and Reintegration Center Bukidnon.

Ang panagtigum gisalmotan sa 45 ka mga empleyado nga gikan sa lain-laing buhatan. Tungod ani nga lakang, makab-ot ang usa ka mas maayong pagdumala sa kahimsog sa pangisip ug matagaan sa igong pagtagad, interbensyon, ug suporta ang mga kawani.

Ang maong aktibidad nakatutok sa paghisgot ug pagpasabot sa kahimsog ug kahapsay sa pangisip, pag-ila sa nagkadaiyang stress diha sa trabahoan, ingon man unsaon ang praktikal na pag-manage niini.

Report by: Mary Jane T. Rodrigo, NADA-CHRMO