Ang lokal nga pangagamhanan ubos sa pagdumala sa Amahan sa dakbayan Hon. Atty. Jay Warren R. Pabillaran pinaagi sa buhatan sa Traffic Management Center ubos sa pagdumala ni TMC Head Joseph G. Jabla inubanan ni Traffic Operations Officer 1 Ernie Neri Sr. ug Justino Roy Santoninio III nagpadayon sa Road Clearing ngadto sa mga agianan hilabi na ang sidewalks karong adlawa Nobyembre 14, 2022 sa purok 6 Casisang ning dakbayan.

Gibuhatan ug aksyon sama sa pag-issue ug Ticket batok sa mga tag-iya sa establisemento nga wala nagtuman human madawat ang sulat sulod sa pito (7) ka adlaw ug kini napakyas. Adunay mga tag-iya nga nagahangyo sa dugang pang mga adlaw aron ilang mapangitaan ug pamaagi o kabalhinan busa gihatagan sila ug tulo (3) na usab ka adlaw aron ilang tumanon.

Dugang niini ang buhatan sa TMC naghangyo sa hugot nga kooperasyon sa matag-usa aron malikayan gayod ang multa nga gimando ubos sa atong City Ordinance 900 series of 2019. Gihangyo usab ang matag-usa nga atong imintinar ang kahapsay sa mga agianan hilabi na ang sidewalks nga walay bisan unsang matang o butang nga makabara o balakid aron ang mga pedestrian nga lumalabay makabaton sa tawhay nga agianan.

Amping Malaybalay ug Ampingan kita kanunay sa Dios.

Report: TMC-NADA