Ang lokal nga pangagamhanan sa Malaybalay pinaagi sa City Social Welfare and Development Office (CSWDO) nakadawat ug kasayuran kabahin sa serbisyo sa Tebow CURE Children Hospital nga anaa nahimutang sa dakbayan sa Davao. Ang maong balay tambalanan modawat niadtong mga kabataan nga adunay mga kabilinggan ug matambalan pa, ug dili igsapayan ang ilang economic status, kaliwatan, religious background, ug ilang gender. Kasagaran nga pagahatagan sa serbisyo sa Tebow CURE Hospital mao kadtong adunay bowed legs, broken bones, brittle bones disease, burn contractures, cleft lip, cleft palate, club foot, knock knees ug windset knees.

Ug aron mas daghan pa ang makapahimulos sa maong kahigayonan, gipahigayon ang sunod-sunod nga community orientation sa kabarangayan pinaagi sa pag-cluster niini. Kini gihimo niadtong Enero 16-19, 2024 didto sa People’s Hall, New City Hall alang as 1st ug 2nd cluster, sa barangay San Jose ang 3rd cluster, 4th cluster sa barangay Violeta ug sa barangay Mapulo alang sa 5th cluster, ug kini gitambongan sa mga opisyales sa barangay, Person With Disability (PWD) association officers sa lain-laing barangay ug mga ginikanan sa mga PWDs.

Sila si City Mayor Jay Warren Pabillaran anaa usab sa gipahigayon nga mga orientation inubanan nila ni PWD Association Federation President Rudy Jimeno, mga kawani sa CSWDO ug PWD affairs, mga representante sa Tebow CURE Hospital nga mipasabot sa mga serbisyo nga sila si Mr. Roy Fernandez ug Mr. Renan Bandiola.

Matud pa, sa maong tambalanan, gisiguro ang pag-amuma ug ang pasyente igo na lamang mag atiman sa ilang kaugalingon alang sa iyang kaayohan, Ang mga pasyente pagahatagan sa diagnostic, pre-op ug post-op nga operasyon, physical therapy, counselling, mga tambal, pagkaon alang kanila ug sa ilang tigbantay, comprehensive nga cleft care ug mga himan ug gamit alang sa ilang dugang pagka-ayo (assistive devices).
Ug sukad pa niadtong Oktubre 2023, 6 ka mga kabataan ang adunay clubfoot, 4 ka cleft palate ug cleft lip, ang na-refer na sa maong tambalanan ug nahatagan sa surgical nga interbensyon. Ug niini, ang lokal nga pangagamhanan sa Malaybalay miabag sa ilang transportasyon sa pagpatambal ug sa gihimong mga follow-up check-up didto sa Davao City.

Sa gipahigayon usab nga mga orientation sa dakabayn, gi-ila na usab ang mga kabataan nga kwalipikado alang sa screening sa Pebrero 2024.

Report: CSWDO-NADA