Ang Malaybalay City Livestock Production Breeding and Training Center mihatag ug usa ka technical lecture ug livestock farm assessment alang sa Livestock Production Agriculture Sector sa School of Agriculture sa Mountain View College (MVC), sa Valencia Bukidnon niadtong Nobyembre 13, 2023 didto sa MVC.

Gisalmotan sa mga magtutungha ug mga magtutudlo sa MVC School of Agriculture nga gipangunhan ni Mr. Beltsasar B. Rizaga ang maong kalihukan, diin tumong niini nga masangkap sa kahibalo ang mga umaabot nga mga agriculturists gikan sa MVC, ingon man aron mamahimo silang competitive sa sektor sa livestock industry.

Mihatag sa mga pagtulun-an ang technical staff sa Malaybalay City Livestock Production Breeding and Training Center pinangulohan ni Alexis I. Flores ang Center Chief inabagan nila ni Dr. Omar T. Cahanap, Livestock Veterinarian ug mga technicians nga sila si John Ray Sagrado, Ronwell Damasco,ug Robert Russel Marte.

Report: City Vet -NADA