Ang Community Empowerment thru Science and Technology (CEST) Program sa Department of Science and Technology (DOST) kinsang tumong niini mao ang paghatag ug panginabuhian ug paghupay sa kakabos niadtong anaa sa hilit nga mga komunidad mipahigayon sa pag turn-over ug mga ekipo alang sa kapaninguhaan.
Ang pag-implementar sa programa naglakip sa paghatag ug pagbalhin sa mga proyektong panginabuhian nga nakabase sa teknolohiya ngadto sa giila ug napiling mga komunidad isip benepisyaryo alang sa ilang panginabuhian.
Tumong sa paghatag gahum sa komunidad, ang DOST sa pakigtambayayong sa ubang mga ahensya sa gobyerno lakip na ang lokal nga pangagamhanan sa Malaybalay ug lumilihok nga mga sektor mopa-ambit ug mga interbensyon sa S&T aron makatabang sa pagsagubang sa mga babag gumikan sa kakabos ug kawad-on.
Niadtong Pebrero 14, 2023 sa Sitio Bendum, Busdi, tulo (3) ka mga ekipo ang Hydro Steam Distillation Machine, Platform Digital Weighing Scale, ug Drying Rack nga nagkantidad ug Php 700,000.00 ang giturn-over ngadto sa mga batan-ong lumad nga babaye sa Apu Palamguwan Cultural Education Center (APC).
Ang kalihokan gitambongan nila ni Ms. Ma. Liza San Mateo, APC Bukidnon Operation Head, Ms. Ritchie Mae L. Guno, Bukidnon Provincial Science and Technology Director, Executive assistant Atty. Mitchell Talatala, sa buhatan ni Mayor Pabillaran, Engr. Adrian R. Gamboa, City Planning and Development Coordinator, Mr. Jason Menaling, APC – FFLM (Forest Farm Leadership Management) Project Manager, Fr. Pedro Walpole, APC Executive Director, Ms. Emylou Tilanduca, representante sa General Services Office, Mr. Vic Ian T. Alcontin, City Agriculture Office Supervising Agriculturist, ug Ms. Floredel F. Tinoy, CAgO Project Development Section-OIC.
Atol sa programa, si Ms. San Mateo nagpahayag sa iyang pasalamat sa DOST ug LGU pinaagi sa CAgO ug
CPDO sa pagpalapad sa Citronella Project pinaagi sa paghatag ug Citronella Hydro Steam Distillation Technology. Gitumbok ni Ms. Guno ang tumong sa proyekto nga mao ang paghatag ug panginabuhian sa mga kababayen-an ug nangayo og tabang sa LGU sa mga panginahanglan sa pagputos ug pag-label aron mapadayon ang proyekto. Si Atty. Talatala sa iyang mensahe mihatag og gibug-aton sa kamahinungdanon sa panginabuhian pinaagi sa paghimo og mga organikong produkto ug mihatag usab siya ug pagdayeg sa mga nakadawat sa maong patigayon.
Atol sa turn-over ceremony, gipasabot ni Engr. Gamboa sa iyang mensahe nga adunay proseso sa gobyerno angpagpatuman sa usa ka proyekto ug nanghinaot nga makabenepisyo usab niini ang umaabot nga henerasyon.
Si Mr. Menaling isip APC Project Manager mipadayag sa iyang pagpasalamat ngadto sa lain-laing ahensya nga nitabang ug midawat sa katungdanan sa pagpadagan sa maong proyekto pinaagi sa pag gamit sa ilang kasamtangang kahinguhaan. Gipaabot usab ni Fr. Walpole ang bili sa proyekto isip tinubdan sa laing negosyo. Si Ms. Tilanduca niingon nga matag tuig ang GSO adunay monitoring sa mga ekipo kung magamit o dili ug gi-aghat ang mga benepisyaryo nga mopahibalo sa ilang buhatan kung adunay mga depekto ang maong mga kagamitan.
Sa kataposan, giila ni Mr. Alcontin ang presensya sa ubang mga agriculturists nga makatabang usab kanila nga sila si Mr. Sherwin Blanco isip Barangay Agriculture Extension Officer, Ms. Joan Marie A. Diola ang High Value Commercial Crops Focal Person ug Ms. Chesa C. Bautista – DOST Focal Person sa City Agriculture Office. Iya usab gipahibalo ang mga benepisyaryo nga mahimo nilang i-display ang ilang mga produkto sa pagatukoron nga Pasalubong Center ug mahimo usab silang moapil sa Kaamulan activity ug nagdasig sa mga ahensya ug benepisyaryo sa pagpalambo sa panaghiusa aron mapadayon ang proyekto.
Report: GECEL Q. OCON, CAgriO NADA