Mikabat ngadto sa Php 43,395,572.00 nga mga makinarya sa pag-uma ang g iturn-over sa Department of Agriculture-Philippine Center for Postharvest Development and Mechanization (DA-PhilMech) ngadto sa 26 Farmers Cooperative and Associations (FCAs) ug Local Government Units (LGUs) sa Probinsya sa Bukidnon atol sa gipahigayon nga Provincial Turnover and Agricultural Machinery Distribution didto sa Kaamulan FolkArts Theatre sa Malaybalay City nadtong Pebrero 10, 2023.

Ang maong mga makinarya gipondohan gikan sa Rice Competitiveness Enhancement Fund (RCEF)- Mechanization Program CY 2021 ug 2022 budget.

Upat (4) ka FCAs gikan sa siyudad sa Malaybalay ang nakadawat ug mga makinarya para sa pag-uma kini mao ang Miglamin Farmer Irrigator’s Association nga midawat ug 1 unit Rice Combine Harvester ug 1 unit Walk Behind Transplanter, Sinanglanan National Irrigator’s Association nakadawat ug 1 unit Rice Combine Harvester, 1 unit Floating Tiller ug 2 units Walk Behind Transplanter. Samtang ang Mansagkoy Lagis Binalbagan Irrigator’s Association sa Brgy. Simaya midawat ug 1 unit Rice Combine Harvester ug 2 units Walk Behind Transplanter ug ang Calawag New San Roque Irrigator’s Association sa Brgy. Apo Macote ang midawat usab ug 1 unit Rice Combine Harvester ug 1 unit Floating Tiller.

Mosuma total sa Php 8,976,552.00 ang kantidad sa agricultural machineries ang naturnover sa 4 FCAs recipients sa siyudad sa Malaybalay.

Mitambong sa maong kalihukan sila si Hon. City Mayor Jay Warren R. Pabillaran , Hon. City Councilor Brian Nelson T. Flores isip representante ni Bukidnon 2nd District Representative Hon. Jonathan Keith T. Flores; Provincial Governor Hon. Rogelio Neil P. Roque; Director Carlene C. Collado, CPA sa Department of Agriculture-Regional Field Office 10 ug si Dr. Ofero A. Capariño, DA-PhilMech OIC Assistant Director.

Report: Engr. Ezeddin D. Orambon – CMO- ABE Division-NADA