Malampusong napahigayon ang pag turn-over sa Department of Agriculture Regional Field Office 10 ug sa lokal nga pangagamhanan sa Malaybalay ngadto sa Simaya Agrarian Reform Cooperative (SARC) ang usa (1) ka unit nga Re-circulating Mechanical Dryer niadtong Nobyemre 25, 2022, didto mismo sa compound sa maong kooperatiba sa Purok 9, barangay Simaya.

Ang proyekto nga mobalor tulo (3) ka milyon ka pesos gikan sa pondo sa Department of Agriculture Bayanihan II Enhanced Kadiwa Ani at Kita Inclusive Food Supply Chain Program for LGUs ug Cooperatives.

Ang seremonya gitambongan sa mga opisyales ug personahe sa DA-RFO X ug sa LGU Malaybalay diin si Mr. Ferdinand Caraballe, assistant division chief, AMAD -10 ang nag representa kang Dir. Carlene C. Collado, Engr. Arlen P. Almo sa POC-Bukidnon, Mr. Anthony James Mondia, executive assistant II nga nagrepresenta kang City Mayor Jay Warren R. Pabillaran, ug City Councilor Niko P. Aldeguer kinsa chairperson sa SP committee on cooperatives.

Mitambong usab sa maong kalihukan sila si Engr. Joel O. delos Reyes, CMO- Agricultural Biosystem Engineering (ABE) division chief ug Engr. Richard B. Leono, chief sa Planning, Monitoring & Evaluation (PME) division sa city agriculture office.

Mipadangat usab sa ilang pasalamat sila si Ms. Eva Madrial ang SARC chairperson ug Mr. Jose Secio, ang SARC manager sa nadawat nga proyekto alang sa ilang kooperatiba.

Report: Engr. Ezeddin D. Orambon

NADA – CMO-ABE Division