Ang Public Employment Service Office (PESO) ubos sa City Mayor’s Office nagpahigayon

og Work Appreciation Program (WAP) Orientation niadtong August 4, 2022 didto sa

People’s Hall, New City Hall, Casisang, Malaybalay City.

Ang Work Appreciation Program (WAP) usa ka sangkap sa Kabataan 2000 nga gipatuman sa Department of Labor and Employment (DOLE) base sa Executive Order No. 139, series of 1993.

Ang tumong sa maong programa ang paghatag sa mga kabataan og higayon nga

maapreciate ang value sa trabaho og makakuha og husto nga pamatasan sa

pagpanarbaho pinaagi sa pagpatagamtam kanila sa aktuwal nga sitwasyon sa pangempleyo.

Misalmot sa maong programa og mihatag sa iyang mensahe si Atty. Mitchel Talatala,

Executive Assistant IV isip representante ni Mayor Jay Warren R. Pabillaran. Kini

inubanan sa atoang Acting City Administrator ug PESO Manager, Atty. Anna Marie R.

Bergado.

Gipaabot ni Atty. Talatala nga dako ang kalipay sa LGU Malaybalay nga makagahin og

pondo para sa atoang mga kabataan isip parte sa ekonomikanhong pag-uswag sa atong siyudad.

Sa laing bahin, gipaabot ni Atty. Bergado ang pagpasalamat sa atoang pangagamhanang lokal sa Malaybalay sa hugot nga suporta para sa programa sa PESO labaw na sa atong mga kabataan.

Karong tuiga adunay gigahin nga pondo para sa 250 ka mga WAP beneficiaries. Sila makasinati og aktuwal nga pagpanarbaho sulod sa napulo (10) ka adlaw og ang kada

usa kanila makadawat og stipend nga katumbas sa 75% sa nagaluntad nga minimum wage.

Ang first batch magsugod sa August 8 – 19, 2022 og ang ika duha nga batch mapahigayon puhon sa sembreak sa mga estudyante. Ang maong mga kabataan gibahin bahin og assign sa nagkadaiyang mga tunghaan og opisina sa LGU Malaybalay.

Report: CMO-PESO NADA