Atol sa joint meeting nga napahigayon sa Malaybalay City Peace and Order Council ug City Anti-Drug Abuse Council niadtong Hulyo 25, 2017, gipaabot ni Mayor Ignacio W. Zubiri ang pagdayeg sa atong mga kapulisan, “for a job well done,” pinaagi sa pagpanguna ni CINSP Alfredo G. Ortiz, Jr.
Gipadayag ni Mayor Zubiri sa publiko nga seryoso ang Malaybalay City Government sa ani nga kampanya laban sa ginadili nga droga ug hugot ang iyang suporta sa atong mga kapolisan nga diha nato makita sa ilang outstanding accomplishments.
Sigon sa report nga naitala ni Chief Ortiz atubangan sa CPOC-CADAC council, nakadakop na ang atong otoridad ug 71 drug personalities pinaagi sa buy bust operations ug search warrants wala pa mahuman ang bulan sa Hulyo.
Dugang pa ni Chief Ortiz nga kini madungagan pa kun walay pakundangan ang pagpamaligya ug pag-gamit sa ginadili nga druga nga dako og kadaut sa atong mga katawhan. Mikunhod usab sa 20 percent ang total crime volume ang naitala sa atong dakbayan karong second quarter kun itandi kini sa first quarter sa 2017.
Bag-ohay pa lang, nakadawat ug pasidungog ang atong kapulisan isip naguna sa City Police Station for Performance Unit Evaluation.
Samtang, si Mayor Zubiri mipasalig usab sa atong City Jail nga dungagan og duha ka selda ang detention facility tungod sa kalit nga pagsaka sa populasyon sa mga preso resulta sa mga malampuson nga pagpangdakop sa mga drug personalities.