Ang lokal nga pangagamhanan sa Malaybalay miabag sa DeMolay Chapter –GABC49 ug MHSDAC sa kamulong gipahigayon nga public service alang sa tanang residente pinaagi sa LIBRENG SAKAY sa multicab karon lamang adlawa Agosto 5, 2022.

Adunay duha (2) ka multicab ang mag byahe-an gikan sa barangay Sumpong hangtud sa City Hall ug vice versa sugod sa alas otso sa buntag hangtud alas sais sa kahaponon.

Aduna usab ipahigayon nga FREE HAIRCUT (LIBRE NGA ALOT) alang sa tanan ugma, Agosto 6, 2022 diha sa Plaza Rizal (Errecion del Pueblo area) sugod sa alas nuebe hangtud alas tres sa hapon (9:00 A.M. to 3:00 P.M)

Ang kalihokan gisuportahan ni Mayor Jay Warren R. Pabillaran sa tumong sa maong grupo ang pagtabang sa mga katawhan ingon man ang pagdasig usab sa uban nga kapunongan sa paghimo sa susamang serbisyo publiko alang sa mga lumulopyo sa Malaybalay.