Ang buhatan sa City Mayor’s Office – Business Permits and Licensing Division kun BPLD malipayong nagpahibalo sa mga negosyante dinhi sa dakbayan sa mas gipamaayo ug mas paspas nga Business One-Stop Shop (BOSS).

Gisugdan ang operasyon sa BOSS niadtong January 3, 2023 ug molungtad pa kini sa pipila ka semana.

Sila giubanan diha sa ground floor sa City Hall sa mga nagkalain-laing ahensya sa national nga pangagamhanan nga adunay kalambigitan inig maglukat ug mag-renew sa business permits. Tungod sa pagkatapok sa maong mga opisina, napasayun ug napadali ang paglukat sa business permit, ingon man sa pag-renew niini.

Ingon man, ang mga taga-Poblacion barangays niplastar uban sa BOSS para diretso makalukat ug cedula o residence certificate ang mga magproseso sa ilang business permits.

Ang BPLD mipasabot usab nga ang BOSS services sa City Hall taman lamang sa January 31, 2023. Human niini, naka-schedule ang maong serbisyo didto sa Linabo Barangay Hall sa February 2, 3 & 6, 2023 alang sa mga negosyante usab sa Basakan Area. Muplastar usab ang BOSS sa Zamboanguita Barangay Hall sa February 8 to 10, 2023 para mapaduol ang ilang serbisyo sa tanan Upper Pulangi barangays.

Sa mga bag-ong negosyante nga maglukat pa lamang sa business permits, palihog pagdala sa mosunod:

1.Barangay Clearance

2.Occupancy Permit gikan sa Office of the Building Official sa Engineer’s Office sa Brgy. Casisang.

3.Lease of Contract kung nag-renta sa puwesto.

4.Proofs of Business Registration (DTI Certification, SEC Registration, ug CDA Registration)

Alang sa mag-renew sa ilang business permit, palihug dala sa inyong bag-ong Barangay Clearance ug ingon man sa Income Tax Return 2021 o Income & Financial Statement.

Alang sa dugang kasayuran, mga pagklaro ug mga pangutana, mahimong mutawag kamo sa 0926 833 0696.