Ang quarterly meeting sa mga health workers sa Basakan District nga nahigayon niadtong Hulyo 26, 2024, sa Barangay Maligaya nagpasabot sa kamahinungdanon nga mga benepisyo sa PhilHealth Konsulta Registration.

Ang kalihokan ubos sa pagdumala sa mga kawani sa City Health Office inubanan ni Dr. Melirose S. Deticio, nagtipon sa mga Barangay Health Workers (BHW), Barangay Nutrition Scholars (BNS), ug BPSOs gikan sa mga Barangay Maligaya, Miglamin, San Martin, Sinanglanan, ug Violeta.

Si Mr. Romulos M. Lapuz, Jr., PhilHealth Local Insurance Officer alang sa Bukidnon, mao ang resource speaker. Gipasiugda niya ang importansya sa programa nga “Konsulta Registration.”

Kini nga inisyatiba makatabang sa pagpugong sa sakit pinaagi sa paghatag sa libre nga konsultasyon, laboratory tests, ug medisina, aron masiguro nga ang mga miyembro makadawat og gikinahanglan nga medikal nga pag-atiman.

Ang panagtigum naglakip og mga follow-up nga diskusyon bahin sa nagpadayon nga mga programa sa kahimsog nga gipangulohan sa mga coordinator. Gisundan kini og usa ka orientation bahin sa mga benepisyo ug mga pamaagi sa PhilHealth registration, nga naghatag gibug-aton sa papel niini sa pagpasiugda sa preventive healthcare ug accessibility sa mga medikal nga serbisyo alang sa komunidad.

Report: CHO-NADA