Curfew, padayong gipahugtan sa dakbayan

Bisan pa man sa milabay nga Sabado ug Domingo, walay puwas nga gipatuman sa City PNP ug mga BPSO’s sa nagkalain-laing barangay ang balaod sa curfew.

Tuod man, adunay mikabat nga unom (6) ka nadakpan adtong niaging duha ka adlaw. Niadtong April 18, 2020, nakagula lamang ang tulo (3) ka curfew violators human sila gipasabot nga pagasang-atan gihapon sila sa kaso human ang krisis sa COVID 19. Ang maong nadakpan sila si:

Rowell Masudog, 35 anyos, taga Brgy. Sumpong;
Alex Balvestamin, 55 anyos, taga Barangay Sumpong; ug si
Randy Villapaz, 40 anyos, taga Brgy. Laguitas.

Sa laing bahin, tulo (3) ka tawo ang nasikop kagabii, April 19, 2020, ug usa niini ang City PNP mismo nakasikop ayha giturn-over didto sa Brgy. 8 holding area. Ang maong nadakpan:

Benjie Maghanay, 28 years old, taga Valencia City;
Amado Hungoy, 51 anyos, taga Brgy. 5; ug si
Elena Maganding, 30 anyos, taga Brgy. Kalasungay.

Una gipagawas ang mga nagsupak sa curfew, sila gipa-community service sa mga government offices ug sa Plaza Rizal.