Ang local nga pangagamhanan sa Malaybalay City pinaagi sa City Health Office-Nutrition Section nagpahigayon ug ‘Monitoring and Evaluation for Local Level Program Implementation-Pro’ (MELLPI-Pro) niadtong Hunyo 27- Hulyo 7, 2022 alang sa tibook 46 barangay.

Kini ginapatuman kada tuig arun masubay ang pag-implementar ug pagpatuman sa atong mga programang pang-nutrisyon base sa tinguha sa Philippine Plan of Action for Nutrition 2017-2022.

Ang maong aktibidad gipangusgan sa atong City Nutrition Evaluation Team (CNET) nga mao usab miyembro sa City Nutrition Committee. Kini gilangkuban sa tulo ka grupo nga gikan sa nagkalain-laing departamento sa syudad sa Malaybalay, sama sa City Administrators Office, City Health Office, City Budget Office, City Planning &Development Office, City Treasurer’s Office, City Agriculture Office, City Social Welfare and Development Office, City Disaster and Risk Reduction Management Office, City Environment and Natural Resources Office and Department of Education-Malaybalay.

Ang Barangay nga mupasar sa MELLPI-Pro Evaluation, makadawat ug Green Banner Award inubanan sa Cash Incentive nga P10,000. Kini iproklamar karong umaabot nga Hulyo 29, 2022 sa Nutrition Month Culminating Day.

Gilauman sa City Health Office-Nutrition Section nga sa paagi niining MELLPI Pro Evaluation, nakahatag kini ug giya alang sa mga Barangay nga mas mahatagan ug importansiya ang Programa sa Nutrisyon nga dili lamang para sa mga kabatan-onan kundili para usab sa tibook katawhan sa Malaybalay City.

Report by: Jezza Nina Marie Vega