Ang lokal nga pangagamhanan sa Malaybalay pinaagi sa buhatan sa City Social Welfare and Development – Youth Welfare Division ug Pag-Asa Youth Association of the Philippines (PYAP) Federation – Malaybalay City chapter mipahigayon ug Leadership Skills Training, Outreach Program ug 3rd quarter meeting niadtong Septyembre 10, 2022 didto sa barangay Manalog ning syudad sa Malaybalay.

Ang maong panagtigum gitambongan sa mga lideres ug opisyales sa PYAP, mga kabatan-onan ug kabataan sa barangay Manalog , mga ginikanan ug mga opisyales sa barangay.

Mikabat sa 40 ka kabataang lumad ang nahatagan sa Health Kit ug school supplies atol sa maong outreach program ug 62 ka kabatan-onan ang nakatambong sa leadership skills training diin gihisgutan ni Youth Development Officer ll Rodolfo G. Estaniel , Jr. ang kabahin sa drug abuse awareness.

Ang maong kalihukan gimugna alang sa pagtabang sa mga IP children sa barangay Manalog ingon man mahatagan sa kahigayonan nga magkahi-usa ang mga kabatan-onan pinaagi sa training ug mahisgutan usab sa grupo ang umaabot pa nga nga mga kalihukan.

Report: NADA – CSWDO