Gisalmotan sa 77 ka barangay nutrition scholars (BNS) ning syudad sa Malaybalay ang pagbansaybansay sulod sa duha ka adlaw mahitungod sa “Nutrition in Emergencies.”

Gipasiugda ang kalihokan pinaagi sa City Health Office – Nutrition Section niadtong Setyembre 29-30, 2022.

Katuyoan sa maong training ang pag-ila kung unsa ka mahinungdanon ang pagdumala ug pagpatuman sa mga programa sa nutrition hilabi na sa panahon sa katalagman natural man o human-induced aron malikayan ug dili mapasamot ang kagutom og malnutrisyon.

Dugang pa, giklaro sa programa nga usa kini sa mando nga gitahas ubos sa “Philippine Plan of Action for Nutrition 2017-2022.”

Gilangkuban sa lima ka sessions aron mas masabtan pa sa mga BNS ang ilang mga kaakohan pinaagi sa: introduction to DRRM cluster approach & nutrition cluster; NiEm & its importance & nutritional assessment; micronutrient supplementation, PIMAM & dietary supplementation; risk communication/information management; ug minimum service package.

Napaabot sa mga partisipante ang mga mga katuyoan niini nga programa pinaagi sa resource persons nga si CNAO Eza Canonigo, Asst. HEMS Coor. Steven Carey Manuel, ND-II Genelyn Casiano, CNPC Jezza Niña Marie Vega. Kauban usab ang presensya sa mga OJTs sa BSND-CMU.

Report: CHO-Nutrition Section