Oktubre 19, 2022, giaprobahan sa Protected Area Management Board (PAMB) ang gipangayo nga proposal nga makakuha og tubig pag gawas sa Kulasihan Creek sa City of Malaybalay subay sa gusto mahitabo sa kasamtangang administrasyon ubos sa pagdumala ni City Mayor Jay Warren R. Pabillaran.

Ang panagpulong gipahigayon didto sa Legislative Building Lantapan, Bukidnon. Kini gi tambongan ni CEEDMO-Designate Mr. Romeo R. Lapeciros, Jr., Engr. Stephen Caroro-WWS-I, Ms. Anita Fernandez-City Enro head, ug ni Mr. Benjamin Maputi-Kitanglad Guard Volunteer president.

Dugang pa, ang maong proposal nangayo ug 100 liter per second (LPS) sa maong water source, apan 50 LPS lang ang gi aprobahan sa PAMB.

Tumong sa maong proyekto sa Kulasihan Creek nga dako kini og katabang sa pag hatag ug dugang suplay sa tubig sa nagkalainlaing mga barangay sama sa Casisang, San Jose, Laguitas, Aglayan ug uban pa.

Report: CEEDMO-NADA