Kaniadtong November 3, 2022, ang buhatan sa City Mayor nag endorso ngadto sa Sangguniang Panlungsod (SP) mahitungod sa sulat ni Licensing Officer IV Arturo C. Callao uban sa paghangyo nga lugwayan ang adlaw nga gitakda sa pag renew sa business permits and licenses sa mga mosunod nga skedyul: Business One Stop Shop (BOSS) Main- Poblacion and Highway Cluster sa Enero 2-31, 2023, BOSS Basakan Cluster didto sa Linabo Barangay Hall sa Pebrero 2, 3 & 6 2023, ug sa BOSS Upper Pulangi Cluster – Zamboanguita Barangay Hall sa Pebrero 8-10, 2023, ning syudad.
Subay niini, giaprobahan na sa Sangguniang Panlungsod ang Resolution No. 2022-0158, mao ang paglugway sa adlaw nga gitakda alang sa pag renew sa business permits and licenses sa siyudad sa Malaybalay.
Ang maong resolusyon giduso ni Councilor Christopher B. Soria, Chairman sa Committee on Ways and Means ug hiniusang gi-uyonan usab sa konseho niadtong Nobyembre 15, 2022 atol sa ilang ika-18 nga regular session.
Sumala sa Business Permits and Licensing Division(BPLD) Monitoring Reports, nasayran nga mikabat sa 6,001 ang kinatibuk-an nga mga business establishments ug stakeholders ang na rehistro sa tuig 2022.
Sa dugang, mao nga ang BOSS Technical Working Group naghangyo nga mapalugwayan ang adlaw nga gitakda sa nahisgutan nga business permits aron usab mapatuman ang minimum health standard ug public safety sa katawhan.Tungod niini, mas mapalapad ang serbisyo nga mahatag ngadto katawhan sa syudad sa Malaybalay labi na sa mga negosyante.
Report: SP-NADA
