Ang lokal nga pangagamhanan sa dakbayan sa Malaybalay, pinaagi sa Opisina sa City Engineer ug Opisina sa City Building Official maoy mipasiugda atol sa convocation program alang sa bulan sa Pebrero.
Kini nahitabo karong adlawa, Pebrero 13, 2023, didto sa People’s Hall, New City Hall, Malaybalay City, nga adunay tema nga “Infrastructure Planning, a kindred to planning for our future.”
Ang maong kalihokan gitambungan ni Mayor Jay Warren R. Pabillaran, SP Councilors, heads ug representante sa lain-laing departamento ug opisina, ang Philippine National Police (PNP), ug ang Bureau of Fire and Protection (BFP).
Si Ms. Nena LL. Importante, Branch Head sa Pag-IBIG Fund Valencia, mao ang dinapit nga mamumulong sa maong programa, diin iyang gipasabot unsaon pagplano ang atong kaugmaon. “I will be discussing more of our savings that will help you in your future. Ang pag save mao ang pinakaduol sa pag plano sa atong ugma, ug ang MP2 is the best nga paagi aron maka save ta. “Kay the more you save, the more you earn.” matod ni Importante.
Sa iyang inspirational message, gipasiugda ni Mayor Pabillaran ang kamahinungdanon sa financial literacy. “Kita nga Pilipino kulang gyud ta og financial literacy;ang ato inig naay kwarta, mag gasto diritso; dili kita ga save para satong kaugmaon.” Iya usab gi pasalamatan ang opisina sa city engineer ug city building official nga nag pasiugda sa maong programa. “That crane is a sign of progress; adto mog Cebu, Davao, og Cagayan pag naa inana nga sign; progresibo gyud ang LGU. “Sa Malaybalay, wala pa kini sa karon, but I hope someday in the future makakita kita og inani anywhere within our city, as it is a sign of progress with the help of the city engineer office ug office of city building official,” dugang pa ni Pabillaran.
Sa samang programa, Si Jamber Alexis Jacutin Idulsa, National Scout Representative para sa Mindanao, Eagle Scout Awardee, ug usa sa Ten Outstanding Boy Scout 2022, ang gihatagan og pasidungog isip pag-ila sa iyang pag-uban isip usa sa opisyal nga delegado sa Boy Scouts of the Philippines ngadto sa 32nd Asia-Pacific ug 11th National Scout Jamboree 2023 didto sa Bangladesh, nga usa sa garbo sa syudad sa Malaybalay.