Usa ka Adolescent Sexuality and Reproductive Class ang gihimo sa San Martin Agro Industrial National High School (Agro INHS) niadtong Pebrero 7, 2024 nga gitambongan sa 302 ka mga magtutungha, mga magtutudlo ug staff sa tulunghaan pinangulohan ni Ms. Maitelle Israel, Agro INHS School Head.

Ang pagsugod sa adolescence dili lamang magdala ug mga kabag-ohan sa panglawas sa usa ka batan-on apan kasukip na niini ang kahuyang diha sa human rights abuses, ingon man diha sa natad sa sexuality, marriage ug childbearing.

Ang maong sexual ug reproductive health angayang matngonan ug pinaagi sa maong pagtuon, ang mga kabatan-onan mahatagan ug access alang sa komprehensibong edukasyon kabahin sa seksualidad nga maghatag kanila ug pagtulun-an nga masayran ug magamit ang ilang mga katungod lakip na ang kabahin sa delay marriage ingon man ang pagbalibad sa mga unwanted sexual advances.

Kini ang mga gipa-ambit nga mga kahibalo kabahin sa reproductive health sa mga resource speakers nga gilangukuban nila ni Mr. Jason Cañete, Ms. Rhona Jane Cuartero, RN, Mr. Roger Gamba, ug Ms. Fruitelyn Z. Vicente ug kini nakapadasig sa mga kabatan-onan sa paghimo ug importanteng mga desisyon ug ingon man nakakutlo sila sa mga kasayuran kabahin sa ilang mga katungod.

Report: Lianne Jones T. Cajegas, PTRP
CHO NADA/PT Unit Staff