Ang konseho sa Sanguniang Kabataan (SK) sa Barangay St. Peter, pinanguluhan ni SK Chairman Dexter Deles ug ang tibuok hugpong sa maong barangay nakigtimbayayong sa opisina sa City Disaster Risk Reduction Office (CDRRMO) sa pagpahigayon sa Disaster Preparedness and Awareness Training niadtong Agosto 4-5, 2022.

Gipartisiparan sa 61 ka mga kabatan-onan, kini naglayon nga makahatag og saktong impormasyon og kahibalo mahitungod sa Disaster Risk Reduction and Management.

Sigon pa ni SK Deles ang maong aktibidad makatabang sa ilang mga kabatan-onan nga makahibalo sa unsay angay nga buhaton kung adunay mga emerhensiya susama sa disgrasya, baha og uban pang matang nga peligro sa komunidad.

Ang maong pag bansay-bansay nilungtad og duha kaadlaw kung diin gitudluan sila og First Aid (Common Emergencies, Splinting and Bandaging Techniques, Transferring the Injured, etc.,), Hands-Only CPR, Water Safety, og River Crossing. Nahisgutan pud sa maong training ang pagka himugso sa maong balaud kung asa namugna ang opisina sa CDRRMO kon RA 10121.

Dugang pa, ang maong aktibidad usa lamang sa pipila ka mga programa sa Disaster Preparedness sa buhatan sa CDRRMO nga gipangulohan ni Alan Julaily Comiso, inubanan sa tanang personahe niini og sa lokal nga panggamhanan sa Malaybalay ubos sa liderato ni Mayor Jay Warren Pabillaran og sa tanang miyembro sa konseho.

Gipaninhkamotan nga ang pagkab-ot sa kadaugan kabahin sa Disaster Risk Reduction and Management makuha lamang kung adunay panaghiusa og pagpakabana sa katawhan ug sa pang-gobyerno.

Report: CDRRMO-NADA Nat Ybiernas