Gipahigayon niadtong Septyembre 10, 2023 ang usa ka symposium kabahin sa Human Immunodeficiency Virus – Acquired Immunodeficiency Syndrome (HIV/AIDS) ngadto sa mga National Service Training Program (NSTP) students sa Bukidnon State University (BukSU) didto sa BukSU Gymnasium ning dakbayan sa Malaybalay.

Kapin 200 ka mga magtutungha ang mitambong sa maong symposium ug gipasabot ngadto kanila ang mga peligro sa HIV/AIDS ngadto sa usa ka tawo nga kon kini mataptan, magpabilin na kini kanila, apan kon adunay ensakto nga medical care nga mahatag ang maong HIV/AIDS ma-controlar.

Gi-paambit usab sa mga kawani sa City Health Office (CHO) ngadto sa mga magtutungha ang uban pang mga kasayuran kabahin sa sexual health alang sa pagpalambo sa ilang kahibalo ingon man pag edukar kanila sa uban pang mga balatian nga dala sa HIV/AIDS,ug ang mga pamaagi sa pagtambal ug pagpugong nga mataptan sa maong mga sakit.

Report: CHO-NADAq