Ang lokal nga pangagamhanan sa syudad sa Malaybalay pina-agi sa City Agriculture Office og City Treasurer’s Office mipahigayon sa pag pang apod-apod sa pinansyal nga tabang sa mga mag-uuma sa nagkalain-laing barangay sa syudad sa Malaybalay nga naapektuhan niadtong Bagyong Odette nga mihapak sa nasud,Disyembre 2021.

Ang mga mag-uuma nga nahiagom sa pagkadaot sa ilang mga pananom sama sa humay, mais og mga utanon tungod sa kalamidad mipasa og report nga nahimong basihan sa City Agriculture Office.

Ang City Treasurer’s Office ang mipahigayon sa pag pang apod-apod sa maong tabang pinansyal sugod niadtong August 15, 2022 ug natapos niadtong August 22, 2022 didto sa City Treasurer’s Office, New City Hall, Casisang, Malaybalay City.

Mikabat ngadto sa PhP 5,231,600.00 nga nag gikan sa 30% Quick Response Fund 2017-2021 sa CDRRMO ug aprobado sa Sangguniang Panlungsod, ug sa buhatan ni City Mayor Jay Warren R. Pabillaran ang natunol sa mga mag-uuma.

Sa unom ka adlaw nga gigahin sa pag-panghatag sa maong ayuda, kini gilangkuban sa 26-ka Barangays nga adunay 1,287 ka mga mag-uuma. Ang mga benepisyaryo mipakita sa ilang valid I.D o kung walay mapakita, mi presenter sila sa barangay certification ug photocopy sa ilang CEDULA nga na isyu karon tuiga.

Nagkalain-lain ang mga opinyon sa mga mag-uuma mahitungod sa programa, apan kadaghanan ang

nagmalipayon ug nagpasalamat sa nadawat. Kini nga kalihokan nagpasabot lamang nga bisan man sa mga kalamidad, ang dakbayan sa Malaybalay nagpabilin nga nagmalig-on, ug wala nagmakuli sa paghatag pagtagad sa mga mag-uuma.

Report:

Chloe Jean B. Beronilla

NADA-City Agri