Ang lokal nga pangagamhanan sa Malaybalay misalmot sa gipahigayon nga tinuig nga National Invitational Rodeo Event didto sa Impasug-ong, Bukidnon niadtong Septyembre 9- 10, 2023, alayon usab sa kasaulogan sa Araw Ng Impasug-ong.

Ang pagsalmot sa Malaybalay Rodeo Team nga gilangkuban sa mga kawani sa City Veterinary Office pinagunahan ni Dr. Omar T. Cahanap, John Ray Sagrado, Robert Russell Marte ug Clifford Sario, sa CDRRMO nga sila si Perlito Caterial ug Christian Dave Sagmao ug Francis Kevin Cagalawan sa CGSO, nagsilbing pamaagi sa pag promote sa Agro-Industrial nga sektor ingon man pagdasig sa pagpabalik sa traditional livestock farming.

Napiling Rodeo Queen si Ms. Jean Rose Salatan nga gikan sa City Proesutors Office ingon man naangkon sa team ang kampyonato sa event nga Calf Undecorating.
Mapasalamaton ang tibuok team sa suporta nga gihatag sa lokal nga pangagamhanan sa Malaybalay ingon man ngadto kang Rushel Enopia sa Wild West nga nahimong usa sa mga sponsor sa grupo.

Report: NADA-City Veterinary Office