Pormal nga giturn-over sa Lokal nga Pangagamhanan sa Malaybalay pinaagi sa City Veterinary Office (CVO) ang livestock livelihood alang sa benepisaryo nga giilang Barangay Zamboangita Livestock Farmers Association.

Ang nasangpit nga kalihokan nga didto nahitabo sa Zamboangita covered court niadtong Marso 1, 2024. Tumong niini nga mas mapalambo pa ug magmalungtaron ang pagpamuhi sa kahayopan diha sa komunidad.

Gitambongan kini sa mga representante sa livestock farmers kauban ang presensya sa Upper Pulangi extension workers. Anaa usab ang mga personahe sa CVO nga gipangulohan ni Dr. Michele C. Miquiabas, Dr. Omar T. Cahanap, livestock production program coordinator, ug Darwin Sat-ao, cluster leader alang sa pagtunol sa mga binuhing baboy.

Si Kapitan Pio Q. Masipequina niduyog usab sa maong seremonya alang sa pagpakita sa unsa ka mahinungdanon ang proyekto nga makatabang sa mag-uuma sa ilang panginabuhian.

Ang kalihokan nga giilang usa sa tubag sa panlantaw ni Mayor Jay Warren R. Pabillaran nga mahatagan ang mag-uuma sa suporta nga ilang gikinahanglan. Ubos sa CVO – City Livestock Production Breeding and Training Center, gipanghingusgan nga adunay patas nga kahigayonan alang sa mag-uuma.

Report ni: Dr. Omar T. Cahanap, CVO-NADA coordinator