Ang City Social Welfare and Development Office (CSWDO), migiya og suporta sa Pag-Asa Youth Association of the Philippines (PYAP) Youth Congress 2022 ubos sa pagpasiugda sa Provincial Social Welfare and Development Office (PSWDO).

Kini subay sa tema nga “Kabataan sa Pandemya, Nakikiisa sa Pagbangon ng Bansa”, ang programa didto gipahigayon sa Kaamulan Folk Arts Theater, Kaamulan Grounds, Malaybalay City niadtong Oktubre 28, 2022.

Gisalmotan kini sa mga grupo sa PYAP sa duha ka syudad og mga munisipyo sa probinsya sa Bukidnon, youth representatives, og personahe sa PSWDO.

Ang tumong sa maong aktibidad mao ang pagpalambo sa Out of School Youth (OSY) sa nagkadaiyang lokalidad sa probinsiya sa Bukidnon. Ang maong kalihokan usab naghatag ug bili sa mga abilidad sa mga kabatan-onan ug nag-aghat sa tibuok probinsiya sa bukidnon nga mag kooperar sa mga inindigay nga giandam sama sa, Mr. & Ms. PYA, Tiktok challenge, ug best in local product nga gibasihan sa kategorya sa Food, ug Eco-friendly.

Adunay 40 ka miyembro sa PYA, lima ka cswdo-youth welfare staff, ug duha ka intern ang nisalmot sa maong aktibidad nga nag gikan sa syudad sa Malaybalay kun diin nasungkit sa representante ang titulo isip 2nd runner up sa Mr. & Ms. PYA 2022.

Report: CSWDO-NADA