Giaprubahan na sa Sangguniang Panlungsod ang SP Resolution No. 2022-0037 nga mao ang Memorandum of Agreement (MOA) tali sa City Government of Malaybalay (CGM) ug sa Provincial Government of Bukidnon (PGB) mahitungod sa paggamit sa Blood Screening Services diha sa Bukidnon Provincial Medical Center (BPMC) -Blood Screening Center.
Kaniadtong Agosto 12, 2022, ang buhatan ni City Mayor Jay Warren R. Pabillaran nag endorso ngadto sa SP uban sa paghangyo nga siya pagatugutan sa pagsulod sa usa ka MOA tali sa CGM ug sa PGB mahitungod sa paggamit sa blood screening services.
Ang City Health Office kinsa usa lamang ka Blood Collecting Unit maoy gitahasan sa pagpahigayon sa husto nga mga pamaagi sa pag kulekta ug pag screen sa dugo gikan sa mga blood donor basi sa standard test nga nakatakda sa balaod .
Giuyunan usab sa duha ka Partido ang uban pang mga temino ug kundisyon nga natala sa nasangpit nga MOA.
Human sa masusing pagtuon ,atol sa ika 8th regular session niadtong Agosto 23, 2022, giduso sa Chairman sa Committee on Health & Social Services Hon. Kathleen Cecile C. Pagaling ug hiniusang giuyunan sa konseho nga pagatugutan ang halangdong Mayor Pabillaran sa pagsulod sa usa ka MOA tali sa CGM ug PGB mahitungod sa nasangpit nga blood screening services.
Tungod niini, mas mapadali ang serbisyo ug ang paghatag sa luwas nga dugo ngadto sa mga pasyente nag nagkinahanglan.
Report – NADA SP