Ang lokal nga pangagamhanan sa syudad sa Malaybalay pinaagi sa City Disaster Risk Reduction Management Office – Communication & Command Central (911) ug inabagan sa National Telecommunications Communication Region X, ang mipahigayon sa Orientation on Government Radio Operator Certificate (GROC) ug Restricted Radiotelephone Operators Certificate for Land Mobile (RLMB) niadtong Agosto 25, 2002 didto sa 2nd Floor CEEDMO Building sa Barangay 9, ning syudad.

Adunay sietentay otso (78) ka mga partisipante ang malampusong nahatagan sa maong pagtulon-an nga mga kawani sa CDRRMO – Search and Rescue (SAR) Emergency Medical Services (EMS), Radio operators sa upper pulangi extension office, ug pipila ka personahe gikan sa Bukidnon State University (BukSU).

Mga representante gikan sa NTC Region X nga sila si Engr. Francis R. Jariolne ug Engr. Vixter A. Abaday ang nahimong mamulong nga mibatbat sa lain-laing topiko sama sa Radio Control Law of the Philippines, ug uban pang mga mando or circular gikan sa national nga pangagamhanan. Gihisgutan usab sa maong panagtigum ang mga Basic Radio Law sama sa permit to purchase, permit to possess, construction permit, radio station license ug radio operator certificate.

Gipasabot usab kung unsa ka importante ang pag-angkon ug lisensya sa pag-gamit o operate sa radio ug isip usa radio handler.

Gihisgutan usab sa maong kalihukan ang Basic Communication System, Procedures in handling radio communications ug Basic maintenance of radio communication equipment’s nga gibatbat sa mga personahe gikan sa 911.

Nahimong malampuson ang maong kalihukan sa pagpanguna sa mga personahe sa buhatan CDRRM pinagulohan ni Alan J. Comiso kinsa maoy nagdumala sa programa ingon man sa makanunayong suporta ni City Mayor Jay Warren R. Pabillaran.

Report – NADA CDRRMO