Ang lokal nga pangagamhanan sa Malaybalay, pinaagi sa buhatan sa City Treasurer mipasiugda og “seminar-workshop on the imposition of Barangay Revenue Code,” alang sa mga opisyales ug lumilihok sa 46 ka barangay.

Ang lima ka adlaw nga workshop gibahin sa duha ka batch niadtong Pebrero 27 hangtud Marso 3, 2023 didto sa Loisa’s Pavillion, ning dakbayan.

Sa maong panagtigum mihatag kini og kahigayonan nga matudluan ang mga partisipante sa pagtuki, adjust ug repaso sa matag local revenue ordinance base sa rationalized procedure for setting fees and charges.

Gitun-an sa matag respresentante sa barangay nga gilangkuban sa punong barangay, kagawad – chairman on appropriation and/or ways and means committee, treasurer, ug secretary ang pag-adopt sa maong palisiya gamit ang local fees and charges (LFC) toolkit.

Tumong sa maong kalihokan nga ma enhance ang existing revenue code sa mga kabarangayan aron kini maka comply sa rekisitos nga gipangayo sa DILG-DOF Joint Memorandum Circular No. 2019-01, nga giilang, “Guidelines for the review, adjustment, setting and/or adoption of reasonable regulatory fees and charges of local government units.”

Lakip usab niini nga matubag ug matuman ang mandato pinaagi sa Republic Act 11032, “The ease of doing business and efficient government service delivery act of 2018.”

Pinaagi sa pag-abag sa Department of Finance (DOF), Department of Interior and Local Government (DILG), Malaybalay Liga ng mga Barangay nahimong dinapit nga mamumolong gikan sa DOF sila si acting regional director Elvira S. Daradar, REA, local treasury operations officers Marlon S. Pimentel, ug Precious Emerald T. Tapio. Ingon man ang speaker usab gikan sa DILG-10 nga si Ms. Hazel L. Occeña.

Gilauman sa City treasurer’s office nga gipangulohan ni Rosie T. Dumas nga dako kini og ikatabang sa local government unit aron mahimong lig-on ang maayong pagdumala sa sa pang-gobyerno ug maserbisyohan ang katawhan sa insakto hilabi na ang anaa sa business sector.

By: CTO-NADA