Gipahigayon niadtong Pebrero 12, 2024 didto sa San Martin Agro Industrial High School ang Parent-Teen Talk – usa ka alternatibong pamaagi sa pagkat-on kabahin sa adolescent sexual and reproductive health.
Gihimo sa City Health Office – Population & Development Section (CHO-PopDev) sa Malaybalay, pinangulohan ni Ms. Fruitelyn Z. Vicente, PPO-II inubanan sa mga staff ug mga OJT ang gipahigayon nga unang Parent-Teen Talk niining tuig sa maong tulunghaan, kon diin siyam (9) ka mga batan-on ug 9 pud ka ginikanan ang nahimong partisipante nga nag gikan sa barangay San Martin.
Ang parent-teen talk gibahin sa duha ka major tracks – Ang Parent Track ug Teen Track nga gipahigayon pinaagi sa modular sessions sa mga facilitators.
Adunay unom ka presenter ang mibatbat sa Parent Track, si Ms. Vicente nga mihatag sa Insights on My Adolescent Journey When I was Young, Protective Talk: Protecting My Adolescent from Risks and Threats ni Ms. Marites O. Dumapias, ug Rediscovering My Adolescence ni Ms. Gemma D. Marabe. Si Ms. Melani M. Madrones ug Ms. Joy A. Tanquion ang mihatag sa lecture kabahin sa Parenting Talk: Parenting My Adolescents ug si Ms. Gemealyn C. Ubilas ang mipa-ambit kabahin sa Growing Together Talk: Talking to My Adolescent Effectively.
Ug ang kabahin sa Teen Track, si Mr. Edel L. Singson inabagan ni Mr. Rodolfo T. Magallanes, Jr. ang mihatag sa tulo sa topico nga mao ang My Adolescence Journey: When I Grow Up, Risky Talk: Protecting Myself from Risks and Threats ug Growing Together Talk: Taking to My Parents Effectively. Samtang ang kabahin sa Boy Talk: Appreciating My Adolescence gisaysay nila ni Mr. Rondavid T. Bengay ug Mr. Neilboy H. Binonsad. Samtang si Ms. Jam Melissa I. Escudero ang mituki kabahin sa Parental Relationship Talk : Relating With My Parents.
Nagmalampuson ang maong kalihukan pinaagi sa aktibong partisipasyon ug pagpa-ambit ug mga undanong tubag ug pangutana sa mga ginikanan ug kabatan-onan. Pinaagi usab sa gipahigayon nga mga session, kini nakahatag usab kanila ug mga makapa-ikag nga mga ideya.
Report: Lianne Jones T. Cajegas, PTRP
CHO NADA/PT Unit Staff