Giaprobahan sa Sangguniang Panlungsod (SP) ang Resolution No. 2024-0593 nga naghatag og pagtugot kang Mayor Jay Warren R. Pabillaran sa pagsulod sa usa Memorandum of Agreement (MOA) tali sa City Government of Malaybalay ug sa D’ Vintage Vision Inc. Kini mahitungod sa serbisyong optikal nga itabang sa mga nailang kabus sa syudad sa Malaybalay.

Kaniadtong Enero 2, 2024, ang buhatan sa mayor nag-endorso ngadto sa SP uban sa paghangyo nga pagatugotan si Mayor Pabillaran sa pagsulod sa usa ka kasabutan nga dako og ikatabang sa katawhan labi na kadtong mga kabus nga nanginahanglan sa nasangpit nga serbisyo.

Gidawat sa City Government of Malaybalay ang ilang tanyag sa nasangpit na serbisyo ug ang duha ka partido miuyon sa uban pang mga termino ug kondisyon nga natala sa nasangpit nga MOA.

Nasayran nga ang D’ Vintage Vision Inc., usa ka optical shop corporation with SEC Registration No. CS201535609 nga nagahatag serbisyo ug produktong optikal.

Human sa masusing pagtuon, atol sa ika 76th regular session niadtong Enero 23, 2024, giduso ni Hon. Cromwell Kiril D. DInlayan nga hiniusang giuyunan sa konseho.

SP-NADA