Ang Sumilao Franchising and Regulatory Board uban sa mga konseho sa Sumilao, Bukidnon nag benchmark sa Malaybalay City kaniadtong Abril 16, 2024.

Kaniadtong Abril 4, 2024, Si Sumilao Vice Mayor Baula nagpadala ug sulat ngadto kang Malaybalay City Vice Mayor Estelito R. Marabe uban sa paghangyo nga pagatugutan sila sa pag benchmark dinhi sa dakbayan sa Malaybalay City.

Ang tumong sa pag bisita mao nga mahatagan sila ug katin-awan sa mga balaudnon mahitungod sa franchising sa motorela ug uban pang pampublikong transportasyon.

Gi aprobahan ni Vice Mayor Marabe ang maong hangyo ug gihatag ang tahas ngadto kang Councilor Niko P. Aldeguer isip Chairman sa Committee on Transportation, Communications and; Traffic Management.

Gi imbitahan usab ni Councilor Aldeguer ang mga personahe sa Traffic Management Center, City Licensing, City Planning & Development Office ug Legal Officer aron sa pagtubag sa mga pangutana sa nasangpit nga bisita.

Gibatbat ni Councilor Aldeguer ang mga kaayohan ug mga hagit sa pag implementar sa mga balaudnon nga pwede usab nga mahimong ehemplo sa ubang lugar.

Report: SP-NADA