Ang buhatan sa City Veterinary pinaagi sa Upper Pulangi Cluster-Barangay Focal Persons, mihatag ug tabang teknikal sama sa pregnancy diagnosis, vitamins supplementation ug disbudding sa sungay sa mga nating baka ngadto sa mga farm activities sa National Dairy Authority – Dairy Project Facility.

Ang maong kalihokan gihimo niadtong Pebrero 6, 2024 didto sa Barangay Kulaman sa dakbayan sa Malaybalay ug gitambongan kini sa technical staff sa National Dairy Authority pinangulohan ni Dr. Fidel Galope, Bouy Clan Association Dairy Farm President Ronnie Singatao ug mga opisyales, upper pulangi barangay focal persons/veterinary extension workers sa pagpanguna ni cluster leader Darwin Sat-ao, ug mga technical staff sa Malaybalay city livestock breeding and training center pinangulohan ni Dr. Omar T. Cahanap.

Ang pakig-kolaborasyon sa lokal nga pangagamhanan sa Malaybalay ug National Dairy Authority ingon man sa Farmer’s Association, usa ka importanteng lakang alang sa kalampusan sa pagtukod ug paglambo sa dairy farm nga mga proyekto alang sa kauswagan sa ekonomiya, food security, ingon man malungtaron nga kalamboan dili lamang sa dakbayan sa Malaybalay ug sa probinsya sa Bukidnon, apan sa tibuok rehiyon.

Report: Doc Omar Cahanap, City Vet-NADA